الأحد، 2 أغسطس 2015

حريشات ساهلين فالفران


                حريشات ساهلين فالفران

بغيتي سيدتي توجدي لوليداتك شي شهيوة مع أتاي ؟ أولا جاو عندك ضياف على غفلة و ماعرفتي ما تقدمي  ليهم ؟ مجلة المرأة الأمازيغية المغربية كتعطيك الحل. 

المقادير:
250 غ سميدة
250 غ طحين فورص 
1 بيضة 
1 خمارة الحلوة
كاس حليب
كاس زيت
كاس سكر


طريقة اللتحضير:
نخلطوا كل من السميدة و الطحين و السكر والخمارة من بعد نضيف الزيت و البيضة و نخلطوا مزيان فالاخير نزيدو الحليب . 


ندهنو لاطة بالزيت و السميدة ناخدوا شوية شوية من الخليط و نعملوا كورات صغار من بعد ندردروهم بالسميدة ونحطوهم فالاطة( كاتكون شوية جارية) .
كاندخلوهم الفران فالاول كيطيبو من الفوق حتى يشدو راسهم و يتحمروا من بعد نشعلو ليهم التحت.




ونقدموهم مع اتاي و بالصحة و الراحة.